Crates de Atenas (poeta)

Crates de Atenas

Biografía
Nacemento	século IV a. C. Atenas, Grecia
Morte	valor descoñecido
Actividade
Ocupación	comediógrafo, poeta
Movemento	Comedia antiga
Familia
Irmáns	Epilycus
Descrito pola fonte	Real'nyj slovar' klassicheskih drevnostej po Ljubkeru Dicionario Enciclopédico Brockhaus e Efron Paulys Realenzyklopädie der klassischen Altertumswissenschaft, (sec:Krates 4)

Crates de Atenas (en grego antigo Κράτης) foi un poeta cómico grego da comedia antiga.

Traxectoria

Foi un contemporáneo un pouco máis novo de Cratino de Atenas e foi actor nas súas comedias antes de que el mesmo comezase a escribilas, segundo Dióxenes Laercio. Floreceu despois do -449 e segundo Aristófanes morreu antes do -424. Tamén di que foi un dos escritores máis importantes da xeración anterior á súa, e que as súas comedias eran educadas e enxeñosas. Segundo outras fontes, buscou a alegría e a diversión nas súas obras, e mesmo introduciu personaxes borrachos na escena. O seu exemplo foi seguido por autores posteriores, e para os poetas da comedia nova era unha práctica habitual. Aristóteles di na Poética que foi o primeiro cómico ateniense que abandonou o estilo iámbico e compuxo obras de teatro cunha trama coherente, seguindo o estilo dos poetas cómicos sicilianos.

Hai moita confusión sobre os títulos e obras de Crates. Suídas mestura dous autores co nome de Crates, e fai deles un só. Outros gramáticos din que escribiu sete ou oito comedias, pero os títulos que se lle poden atribuír son catorce:

• Γείτονες ('Geitones', Veciños).
• Διόνυσος ^1. ('Dionisos', Dioniso).
• Ἥρωες ('Heroes' Herois).
• Θηρία ('Theria').
• Θησαυρός ^1. ('Thesauros' Tesouro).
• Λάμια ('Lamia' Lamia).
• Μέτοικοι ^1. ('Metoikoi' Metecos).
• Ὄρνιθες ('Ornices' Paxaros).
• Παιδιαί ('Paidiai' Nenos, Rapaces).
• Πεδῆται ^1. ('Pedetai' Cadeas).
• ᾽Ρήτορες ('Retores' Coñecidos, Célebres).
• Σάμιοι ('Samioi' de Samos).
• Τόλμαι ('Tolmai' Valentes).
• i Φιλάργυρος^1. ('Filargyros' amante do diñeiro).

^1. de adscrición incerta.

Estes oito poderían ser obra súa:

• Γείτονες
• Ἤρωες
• Θηρία
• Λάμια
• Παιδιαί
• Ρήτορες,
• Σάμιοι,
• Τόλμαι

O estilo e a linguaxe de Crates son sinxelos e elegantes, con poucas palabras eruditas e sen construcións elaboradas. Emprega unha peculiaridade métrica moi rara, xa que coloca un final en espondeo nun tetrámetro anapéstico.